Ilargik eta Eguzkik gehien maite dutena Mundu da, baina elkarrengandik urrun bizi dira. Gure laguntza beharko dute Mundu osasuntsu eta zoriontsu haz daiten. Ilargik eta Eguzkik Mundu izeneko kume handi eta borobiltsu bat dute. Baina, elkar izugarri maite duten arren, urrunduta bizi dira. Eguzkik egunez egiten du lan, eta Ilargik gauez; horrela, bada, sekula ez dute mendien atzean elkartzea lortzen. Hori dela eta, Mundu jaio zenean, haurtxoa bien erdian bizitzea aukerarik onena izango zela erabaki zuten. Munduk aita eta ama gertu sentitzeko, izarrak, errekak edota zuhaitzak asmakizunik izugarrienak bilakatuko dira, eta neskatxak eta mutikoak lagunik onenak izango dira, Mundu zainduz, familia zoragarri hau elkarrekin mantendu dadin..
Valoraciones
No hay valoraciones aún.